Kookboek

Vanaf Wikibooks
(Aangestuur vanaf Boekrak:Spyseniering)
Jump to navigation Jump to search

Kookboek bevat 'n lys van resepte. Enigiemand kan 'n resep bydrae.

Oats Koekies[wysig]

BESTANDDELE:

🌾2 k meel

🌾4 k oats

🌾2 k klapper

🌾2 k suiker

🌾250 g margarien

🌾3 el stroop

🌾2 tl koeksoda

METODE:

Smelt botter & stroop. (moenie kook nie net smelt)

Voeg koeksoda by.

Meng die droë bestanddele saam.

Gooi stroop by droë bestanddele.

Gooi in ‘n oondpan en druk vas.

Bak vir ± 10~15 min teen 180°C. Haal uit en sny dadelik.

Koffiesoentjies[wysig]

BESTANDDELE:

☕250 g sagte botter

☕185 ml versiersuiker, gesif

☕10 ml koffiepoeier

☕15 ml kookwater

☕500 ml koekmeel, gesif

Vulsel:

🍫50 g (½ slab) donkersjokola, gesmelt.

METODE:

Stel oond op 180 °C.

1. Room botter en versiersuiker tot liggeel.

2. Roer koffiepoeier en kookwater saam en giet by bottermengsel. Klits goed.

3. Roer koekmeel by bottermengsel. Dit sal sagte deeg wees.

4. Voer bakplaat met bakpapier uit.

5. Skep deeg in spuitsak met meduim- grootte sterretjie-spuitpunt

6. Maak sirkeltjies van ongeveer 2 cm op bakplaat, maar nie te naby aan mekaar nie.

7. Bak vir 10 min of tot effe ligbruin.

Laat op afkoelrakkie afkoel.

8. Plaas twee koekies opmekaar met bietjie gesmelte sjokola.

Koeksisters[wysig]

"Grootmaat"

STROOP: (moet yskoud wees)

🍯20 koppies suiker (wit)

🍯10 koppies water

So gemaak:

Kook tot suiker opgelos is.

Laat afkoel en plaas in yskas om yskoud te word.

DEEG:

🍯6 koppies koekmeel

🍯6 eetlepels maizina hoogvol

🍯6 eetlepels bakpoeier hoogvol

🍯1 teelepels sout

🍯3 eiers

🍯100 gr botter

🍯3 koppies water

Metode:

Vryf botter in droë bestanddele in.

Kilts eiers en water saam.

Meng alles goed.

Rol uit, vleg en bak.

Afronding:

Sit gaar gebakte koeksister "terwyl nog warm" in koue stroop.

Grondboontjiebotter en klapper fudge[wysig]

Bestanddele:

🍬500g wit of bruin suiker

🍬1 × 270g sagte Grondboontjiebotter

🍬200g botter

🍬200ml melk

🍬150g klapper, plus bietjie ekstra

🍬1 pakkie Mariebeskuitjies, grof fyn gemaak

Metode:

Smelt botter in ‘n diep kastrol oor lae hitte.

Voeg suiker by en hou aan roer tot suiker net gesmelt is.

Voeg Grondboontjiebotter by, met helfde van die melk -100ml.

Roer goed deur en bring tot kookpunt.

Voeg res van die melk by, roer deur en verwyder van hitte.

Voeg klapper en gekrummelde koekies by, meng goed deur.

Laat mengsel effe afkoel.

In ‘n langwerpige glasbak, giet mengsel in en maak eweredig.

Strooi klapper oor en plaas in yskas om goed af te koel.

Sny in klein blokke en geniet.

Bêre in lugdigte houer in yskas.

Aartappelkoekies[wysig]

BESTANDDELE:

🔸3 medium aartappels (rou)

🔸12,5 ml koekmeelblom

🔸1 eier, geklits

🔸5 ml sout

🔸40 g kaas, gerasper

🔸Klein ui gerasper

METODE:

Skrop, skil en rasper die aartappels en meng met die ander bestanddele.

Verhit `n klein bietjie olie of vet in ń pan en braai lepelsvol van die mengsel totdat die koekies aan albei kante ligbruin is.

Bielie Mielie[wysig]

Vir die stywepap:

Jy Benodig:

🌽2 kop mieliemeel

🌽3 kop water

🌽1 tl sout

METODE:

Gebruik ‘n swaarboompot.

Voeg water in pot en bring tot kookpunt, voeg sout by.

Voeg die mieliemeel stadig by en roer heeltyd met ‘n papvurk totdat die pap styf is.

Sit deksel op, draai hitte op laagste stelling, laat dit vir 45 min stadig stoom.

Roer af en toe goed deur.

VIR DIE VULSEL:

🐂2 Blikkies “Bully Beef"

🐂2 groot uie – opgekap

🐂1 groot ryp tamatie – opgekap

🐂1 tl kerriepoeier

🐂80ml (5el + 1tl)kookolie

🐂eiers – 1 per bakkie

🐂cheddar kaas – gerasper

🐂sout en peper na smaak

🐂botter

So Gemaak:

Voorverhit oond 180°C.

VULSEL:

Verhit olie en braai uie tot geurig, voeg kerriepoeier by en roer vinnig deur.

Sny “corned beef” in blokkies en voeg by gebraaide uie, roerbraai vinnig deur.

Voeg tamatie by en braai lekker saam, hou eenkant.

FINAAL:

Berei jou oondvaste bakkies voor deur met bietjie bottter te smeer.

Skep so 2 el vol vleismengsel in elke bakkie.

Skep nou ¾ vol met gaar stywepap, laat effe afkoel.

Skep vleismengsel bo op stywepap tot amper vol.

Met ‘n botter gesmeerde eetlepel maak ‘n lekker diep holte in die middel van die pap.

Breek ‘n eier in elke holte.

Sprinkel met kaas.

Bak in voorverhitte oond tot goudbruin en eier gestol.

Verwyder van oond, laat rus vir 10 min voor bedien.

***Handige Wenke:

Slappap – 1 koppie meel, 3 koppies water

Stywe pap – 2 koppies meel, 3 koppies water

Krummelpap – 3 koppies meel, 3 koppies water

7 Stappe tot 'n heerlike sjokolade-koppie[wysig]

Mediese navorsers het bewys dat sjokolade 'n opkikker is. Dus is dit 'n briljante idee om dié bevindinge ter harte te neem en hierdie sjokolade-koppie op die proef te stel. Almal geniet sjokolade en selfs die wat sê hulle eet dit nie, sê nooit nee wanneer hul 'n blokkie of twee aangebied word nie. Dis 'n mikrogolfoond-resep, wat slegs vier minute neem om te maak.

Maak: 2 koppies

Bereidingstyd: 2-5 min.

Baktyd: 3 min.

Benodig: 2 koppies (200ml elk) uitgesmeer met botter of olie.

Beslag:

100ml suiker

100ml koekmeel

75ml melk

75ml olie/botter

50ml kakao

1 eier

2 druppels Vanilla of Caramelgeursel

Knippie sout

Opsioneel: 75ml Choc-chips of een fyngemaakte piesang

Versiersel:

100ml drinksjokoladepoeier of kakao en suiker

100ml water

5ml Maizena

  1. Klop die eier, sout en suiker saam.
  2. Meng die melk en olie in 'n ander bak saam.
  3. Meng die eier-suikermengsel saam met die olie-melkmengsel en vou die koekmeel en kakao met 'n vurk in.
  4. Deel beslag in die koppies.
  5. Plaas in mikrogolfoond en bak vir 3 min. op hoog. Moenie die bakproses onderbreek nie. Laat staan vir 'n minuut en haal dan uit.
  6. Versiersel: Meng sjokoladepoeier, water en Maizena saam en kook vir 20 sekondes op hoog, roer, en kook weer vir 20 sekondes.
  7. Gooi die versiersel bo-oor die koek in die koppie.

Die koek kan ook uitgedop word in 'n kleinbordjie en so opgedien word met die versiersel bo-oor. Roomys kan bybedien word.

Rice Krispie Koekies[wysig]

Bestanddele:

  1. 1/4 k margarien
  1. 25 Marshmallows
  1. 1 t Vanilla geursel
  1. 5 k Rice Krispies

Metode:

  1. Smelt margarien in 'n kastrol.
  1. Voeg Marshmallows by, en smelt oor lae hitte.
  1. Haal van plaat af.
  1. Voeg Vanilla geursel by.
  1. Meng Rice Krispies by.
  1. Druk die mengsel plat in 'n vierkantige bak (met 'n natgemaakte houtlepel).
  1. Laat staan 30 minute & sny in blokkies.